الجزء الخامس

                    ** مملكة المياه **

بكى حمزه وخاف من العقاب .... وفكر هى فعلا المايه بتتقتل .... قبل ما يكمل تفكير سأل الملك هو فعلا المايه بتتقتل .

نظر اليه الملك بغضب وثار .... انت مش عارف يعنى ايه قتلت المايه .... انا هاقولك بنى جنسك عملو ايه فيه لحد ما عددنا نقص .

- بيرمو فى المايه قمامه والحيوانات الميته ...يبقى كدا قتلتو المايه .

- لما تسيبو الحنفيات مفتوحه وهى مالهاش استخدام وتنزل فى الصرف الصحى .. يبقى كدا قتلو المايه .

- لما تعمل اكياس مايه وترميها على الناس اللى رايحه واللى جايه ...يبقى كدا قتلت المايه .

- لما تلثونا بنفايات المصانع يبقى  وتلوثونا ...يبقى كدا قتلت المايه .

قال حمزه : خلاص حرمت ياجلاله الملك ومش هاعمل كدا تانى ارجوك سامحنى .

رد الملك وقاله  :  مش هاسمحك بسهوله الا لما اعملك اختبار لو نجحت فيه هارجع الجيش بتاعى تانى لارضكم وارجع لها الخضره تانى من جديد ... فرح حمزه وقاله  انا جاهز ياجلاله الملك لاى اختبار  .

ضحك الملك وقاله ما تستعجلش هايكون فيه ثلاثه اختبارات ومن خلالهم هاعرف لو كنت صادق او كاذب .

نادى الملك على الحراس انهم يحضرو له الاختبار الاول ...
وهو كان سؤال مهم جدا .

سأله الملك لحمزه .... قولى ياحمزه ( ما هو شريان الحياه فى العالم كله ) قدامك تلت دقاءق تفكر فيهم وتجاوب ولو معرفتش هاتخليك فى السجن وتاكلك الطحالب  .

فكر حمزه ... الدقيقه الاولى مرت ... وكمان التانيه .... خاف حمزه وفكر بسرعه ياترى ايه شريان الحياه لجميع  الكاءنات الحيه ؟؟؟
رد حمزه بدون تردد ... عرفت الاجابه ان شريان الحياه هى المايه .

رد الملك وقاله اجتازت اول اختبار ...... استعد للاختبار التانى .

ساله الملك ... انا لو عايز اعاقب دوله واموت شعبها تفتكر ايه اول حاجه اعملها ؟؟؟ ..... وزى ما قولتلك  قدامك بس تلت دقاءق .

فكر حمزه بسرعه ... ايه اللى يموت دوله باكملها ... ياترى امنع عنها ايه علشان تموت ...... عدت الدقيقه الاول وكمان التانيه ... رد حمزه بسرعه وقاله اكيد هامنع عنهم المايه لانك لسه من شويه قولت ان المايه هى سر الحياه .

رد الملك وقاله كدا اجتازت السؤال الثانى .... لو حاوبت الثالث هارجع جيشى لارضك .

قولى اسم اطول نهر بالعالم ؟؟؟ رد حمزه فى الدقيقه الاول قاله هو ( نهر النيل ) اعظم واطول نهر بالعالم .

رد الملك وقاله كل اسءلتى لها معنى علشان تعرف ان بنى جنسك من غيرنا مش هايعيش لحظه ودا كان درسك لك ولغيرك .

فرح حمزه وقاله يعنى خلاص هاترجع جيش المايه .؟

رد الملك وقاله انا وعدتك وهاوفى بوعدى ... وهارجع جيش المايه بس لو اساءت استخدمها مره تانيه ساعتها مش هانرجع لارضك ولا بنى جنسك مره تانيه .

فرح حمزه وقال للملك : اوعدك ياجلاله الملك مش هاسىء استخدمها .

امر الملك جنوده انه يفك سجن حمزه وينقلوه  لموطنه مره تانيه .

صحى حمزه من النوع وبص حواليه وقال ايه دا يعنى كان كل دا حلم والمايه مارجعتش .... حزن حمزه وبكى .
دخلت عليه ماماته وقالت المايه رجعت ياحمزه ... يلا قوم علشان تشرب وتنضف نفسك .

فرح حمزه وبقا مش مصدق انها رجعت ... قام فتح الحنفيه وشرب وارتوى واتؤضاء وصلى لله شكرا على وجود نعمه زى دى فى حياتنا .

حمزه بقا مطيع وبقا بيحافظ على المايه ورجعت الخضره تانى من اول وجديد  ... صمم حمزه لافتات وكتب عليها حافظوا على نظافه المياه ... واهو درس وكلنا اتعلمناه .
ان فعلا المايه سر الحياه .