** مملكة المياه **
من اروع القصص التى من خلالها نهدف الى ارشاد اطفالنا للحفاظ على المياه وترشيد الاستهلاك من خلال قصص هادفه للاطفال .
كان فيه طفل صغير اسمه (حمزه) كان شقى جدا ...وبيحب يلعب فى المايه وعمره ماحافظ على استخدمها .... من كتر شقاوته كان بيعبى اكياس مايه ويقف فى البلكونه ويرمى منها على الناس اللى رايحه واللى جايه .
الكل كان مضايق منه بسبب شقاوته وعدم مراعه حقوق الناس .... كان بيدخل الحمام ويسيب الحنفيه مفتوحه .
وكان بيشغل خرطوم المايه ويرش على الحيوانات ويعذبها بالمايه .... رغم تحذيرات مامته الا انه كان شقى ويعاند مامته وما بيسمعش كلامها .
الكل زهق من شقاوته حتى المايه قررت انها تعاقبه على اهماله فى استخدامها وعلى عناده لمامته .
قررت المايه انها تعلم ( حمزه ) درس كبير علشان يحس باهميتها .... تجمعت قطرات المياه وقررت انها تسيب الارض وترحل لمملكة المايه علشان الكل يحس بقيمتها .
مش بس حمزه ... دا كل الناس مش مقدرين قيمتها وبيسىء معملتها .
رحلت قطرات المايه الى مملكه المايه وقررت عدم الرجوع مره تانيه ... رجعت المايه لمواطنها .
بعد يوم شاق وشقاوه حمزه .... رجع حمزه البيت مرهق وتعبان محتاج للمايه ... فتح الحنفيه لاقى الميه مش موجوده دخل المطبخ يفتح كل الحنفيات يدور على المايه ...مالقاش المايه لانها كلها رحلت لمملكتها وزهقت من اهل الارض واهملهم فيها .
دخل حمزه يبكى لمامته .. ويقولها انا عطشان وعايز انضف جسمى بالمايه واستحمه .... فضل حمزه يبكى .... رددت مامته وقالت :
انت اهملت فى استخدام المايه وما حافظتش عليها علشان كدا هو رحلت لمملكتها ومش هاترجع تانى .
ياما حذرتك من الاهمال فيها ... لاكن انت ما سمعتش كلامى وادى كانت النتيجه اهى رحلت لموطنها الاصلى ومش ها ترجع تانى .
حزن حمزه كتير ... وسال ماماته هى مكانها فين ياماما وانا اروح اترجاها ترجع تانى ... ووعد منى هاحافظ عليها ومش هاهمل فيها .
الام قالت : قولتلك رحلت لمملكة المايه ومش هاترجع تانى ... فكر حمزه ياترى فين مملكه المايه وياترى فين طريقها .
بص حمزه حواليه .... لاقى كل حاجه خضره اتحولت ليابس وماعتش فيه زرع والناس كلها زعلانه على المايه .
حزن حمزه وقال :
اااااه لو اعرف طريقها اروح واترجاها ترجع تانى ووعد منى مش هاسىء استخدمها وهاحافظ عليه ... بكى حمزه كتير لحد ماتعب ونام من كتر الارهاق والتفكير .
قطره من قطرات المايه كانت موجوده وسمعت حمزه وهو بيبكى ونادمان على رحيلها .
راحت قطره المايه ( لملك ) مملكة المايه ... وقالت له :
ايها الملك ... انا سمعت حمزه وهو بيبكى ونادمان انه اهدر فى استخدمنا وعاملنا بسوء وققرت انا وجيش المايه اننا نحضره هنا لعظمتك علشان تعاقبه على سوء استخدمنا .
فكر الملك شويه ... وقال : دا لازم يتعاقب علشان ما عرفش نعمة المايه وما يعرفش انه من غيرنا يموت واننا سر حياته هو وبنى جنسه .
قالت المايه : اامرنى ياجلاله الملك قولنا ازاى نعاقبه .
رد الملك وقال : خد جيش المايه وهاتو الولد اللى اسمه حمزه ...... ردت الملكه وقالت اومرك ياملك المايه .
جيش المايه راح لحمزه وشاله وهو نايم وسجنوه فى مكان مهجور فى مملكه المايه .... الحيطان بارده والطحالب فى كل مكان على الجدران وعلى الارض كمان وقضبان الحديد الصداء وكلها ..... المنظر مرعب وبشع .....
فتح حمزه عيونه وهو مش مصدق شاف المكان اللى محبوس فيه وبكى من الخوف ومن الضلمه .
نادى الملك على الحراس علشان يحضرو ( حمزه ) سفاح المايه ... دا الاسم اللى اطلقوه عليه بسبب اساءه استخدام المايه .
وقف حمزه قدام الملك وهو مش مصدق ان كل حقيقه مش حلم ومن شده الخوف بكى وركع على رجليه وقال للملك :
انا حرمت ياجلاله الملك اسىء للمايه مره تانيه .... قاطعه الملك فى الكلام وقاله انت قاتلت جيوش كتير من المايه وعلشان كدا احنا حبسناك هنا وهاتتعاقب على قتلك للمايه .
يتبع
تعليقات
إرسال تعليق