الجزء الخامس

قصص اطفال شيقه وممتعة ... نوع من الخيال الممتع. 

تحتوى القصه على حكمه و من قرأتها لتحسين أفكار أطفالنا من خلال سرد الحكايات. 

                     **مملكه الذهب ** 

                               قصه

..... قصه رائعه وشيقه.  

- كان هناك قريه جميله تطل على البحر ؛ كان الصيادين بيصحو من أول الفجريه علشان يصتادو السمك وكل واحد بيشوف عمله فى همه ونشاط وأغاني الصيادين بتملا المكان سعاده وفرح  .

كان فيه شاب صياد اسمه  ( نبيل ) كان عايش مع ماماته بعد وفاة باباه .... والدته ربته احسن تربيه ومع مرور الزمن الأم كبرت وبقت مسنه .

نبيل قال لماماته انتى تعبتى عليا كتير وان الأوان ترتاحى انا بقيت راجل وكفيل  انى اعتنى بيكى  ؛ كل اللى عليكى ياامى  ادعيلى ربنا يكرمنى ويعطينى . 

فرحت الأم باابنها نبيل فعلا كبر وبقاء اسم على مسمى .... دعت الأم لنبيل بكل قوتها وركعت لرب العالمين بأن يحفظ ابنها من كل شر .

فى يوم من الأيام وعلى غير العاده كان الجو كله غيوم ومتوقع سقوط سيول .

خرج نبيل : إلى البحر ودا كان قبل أذان الفجر .. حب يلحق السمك من أوله قبل الصيادين ما تيجى وتصتاده  .

خرج ( نبيل ) رغم التحذيرات بأن فيه أمطار غريزه هاتجتاح البلاد وهايحصل برق ورعد وهيجان البحر .

توكل نبيل على الله وخرج يشوف رزقه ..ركب نبيل المركب وبداء يأدف  لحد ما وصل لنص البحر ... الموج فضل يسحبه للداخل وهو مش قادر يرجع الشط ولا عارف يصتاد  ولا عارف يتحكم فى المركب .

دعا الصياد ربه ينجيه من البحر وما فيه ...الموج فضل يشيل ويحط فيه .

فجاءت ضربت المركب موجه كبيره  ، كسرت المركب  ... فضل نبيل يعوم ويقاوم لحد ما وصل لقطعه من الخشب عايمه على المايه  .. مسك نبيل فى لوح الخشب .

سحبته الأمواج على الشط ... وبعد مرور بعض الوقت فاق نبيل من نومه ... وبص حواليه وقال انا فين وايه جانبى هنا ... بعد  شويه افتكر كل اللى حصل .

قعد نبيل على الشط وبكى ...وسأل ياترى عامله ايه ياامى دلوقتى يامين يطمنى عليكى .... انتبه نبيل لكل شيء حواليه ومش مصدق هو شايف ايه . 

الخشبه اللى الصياد كان عليها رسيت بيه على شاطيء غريب وعجيب الصياد عمره ما شافه قبل كدا ولا حتى فى الحكايات .

واقف الصياد مكانه وهو بيلتفت شمال ويمين مش مصدق عينيه  ... كل دا دهب  كل شيء من الدهب حتى الرمال دهب .

مش مصدق عينيه. ..مشى لحد ما وصل لقريه بتطل على البحر القريه كلها من الدهب ....البيوت والشوارع والحدائق وكل حاجه مصنوعه من الدهب .

مشى الصياد وسط الناس مبهور بااشكالهم وبلبسهم  ... استغربت الناس الإنسان الغريب اللى وصل الجزيره .. الناس اتلمت حواليه والكل بيسال بعضه من الغريب دا اللى وصل  جزيرتنا  ... لا شكله شكلنا ولا لابسه زينا ..

فى لحظه كانو حراس الملك حاوطو الصياد وربطو أيده ورجليه .. وخدوه على الملك  

بص نبيل للسلاسل اللى مربوط بيها وقال حتى السلاسل مصنوعه من الدهب الخالص ... ياترى ايه سر الجزيره دى وازاى محدش يعرف عنها حاجه .

وصلو الحراس بالصياد إلى القصر ... وفضل مستنى لبعد أذان العصر ... فجاءت حضر الملك وأمر حراسه بااحضار الغريب  لمعرفه ازاى وصل للجزيرة ... والملك بيسال فى سره ياترى  جاسوس ولا تايهه ... لو جاسوس هاقطع رقبته علشان يكون عبره ....ولا تايهه هاختبره يمكن يطلع انسان شريف .

سأل الملك الصياد انت مين وجيت هنا ازاى  ؟ 

رد الصياد  : انا يامولاى صياد كنت طالع  اصتطاد. .. وفجاءه البحر هاج وثار عليا ... وجت موجه كبيره وضربت المركب ... وفضلت اقاوم وأعوم لحد ما وصلت هنا  دى كل الحكايه يامولاى .

بص الملك للصياد ... وقاله انت جيت هنا لازم تعيش زى أهالى البلده وتطبق عليك شروطها ...

سأله الصياد  : وايه هى شروطها ؟ 

رد الملك : الغريب بيكون له  ثلاث طلبات مجابه وبعدها لازم يموت وسط ميدان عام .

رد الصياد باستغراب وخوف ...ويموت ليه ياجلاله الملك  ... أرجوك ياجلاله الملك سيبنى اعيش .

رد الملك بصوت جهورى  : دى قوانين جزيرتنا  بطبقها من سنين على كل غريب .

أمر الملك الحراس بأنهم ياخدو الصيإد للسجن لحد ما يطلب الثلاث طلبات .

          يتبع